ضلم قناص اسياااا

السلام عليكم ورحمة الله وبركاته


بصراحة شي مؤسف اللي صار


ما اقصد قضية ياسر .. لا لا


أقصد الشعب السعودي إللي للأسف أكل لحم ياسر وهو حي


من فينا ما يغلط ؟؟ هذا إذا فعلاً ياسر غلط والقضية صحيح


عموماً ..


لاحظت إن اغلب الناس قام يزيد على السالفة ويرسلها لغيرة بزعمة جاب شي جديد وحقق إنجاز في حياته !


يا جماعة .. الله سبحانه وتعالى أمر بالستر


والستر من حق الجميع .. مشاهير وغيرهم


خافوا ربكم .. ترى كل واحد معرض لموقف شبية لهذا ..


وإذا ما تعرض له هو بيتعرض له واحد من قرايبة أو حبايبة



والمفروض نوقف كلنا مع ياسر بهذا الوقت مو نوقف ضده


ياسر قدم لكم بطولات وياما رسم الضحكة على وجوهكم يالسعوديين


حتى لو نفترض إنه غلط .. مو نطردة من الملة


الله لا يردها رياضة وتعصب دام بناكل لحم اخونا حي



انا احب اهديكم قصيدة واتمنى الرسالة اللي فيها توصل لعقولكم


القصيدة




تكرم عن العيبة ويكرم شاربك يابوسعيد
يبطون ياوجة محلف ربع النمايم والكلام


ماني هلالي لا ولا ضد النصر وإلا العميد
شمري وتاخذني الحميا للقحاطين الحشام


من روس قوم مالها في (قال زايد قال زيد)
فينا عقول تميز الشاهين من فرخ النعام


حتى لو إن العلم صدق أقولها عبر القصيد
كبوة جواد وكلنا نخطي ياعمي والسلام


لا منت بالأول ولا الآخر ولا أنت الوحيد
كل آدمي يخطي ويتعلم عدا خير الأنام


الواجب نوقف مع المخطي ولا نقعد نعيد
أخطاءة ونقعد نشهر به ونكسب بة أثام


يعني نسو (القناص) يومه للبلد دايم يصيد
قدمت لبلادك فرح وامجاد يا راعي السهام


يا(ياسر) الموضوع ماهو (منهو إللي مستفيد؟)
ولاهي بقصة رياضة أو تصاريح وملام


السالفة وشلون ينسى المسلم العلم الأكيد
بأن دم المسلم المؤمن على المسلم حرام


تناقلوا هالسالفة عبر المواقع والبريد
كلن يزيد شوي من عنده ويرسلها قيام


أنجاس يجري في عروق أجسامهم قيح وصديد
هذي وصوف إللي يدنس عرض عالين المقام


تكرم وتكرم لابتك قحطان والمجد التليد
يشهد بأنكم ياولاد مظيم قوم(ن) ماتظام


العز منكم زاد عز وفي ذراكم يستزيد
ما الله خلق فيكم سفية ولا جبان ولا هلام


قل (حسبي الله) واترك الباقي على رب العبيد
وإسلم وسلم لي على ربعك بإسم صبيان شمر



مضاووووووم

النوخذه

يعطيك العافية.........

والله صراحه موضوع مميز وبعدين هذا مكانه بالمنتدى الحوار والنقاش.............

وانا عندي ملحوظه:
بنسبه لقضية ياسر فهي ليست صحيحه واذا تبي تتأكد ادخل موقع اليوتيوب وبعدين هم مستخدمين برنامج فوتشوب

وفي الاخير يعطيك العافية وموضوع صراحه مميز جدا.................

والى الامام...........................

الله يعطيك العافيه ...
و ,,,.
مشكوووور .

مشكوووووووووووووورين على الرد